Unganamata sei? Mubvunzo uyu wakakosha nekuti kunamata hakusi kungotarisa kuti wakagara sei, wakapfugama sei kana kuti wakamira sei. Chinonyanya kukosha ndiwo moyo wako uri pamberi paMwari.
Mwari vanotarisa moyo wako
Kunyangwe wakanamata wakapfugama kana kumira, Mwari vanotarisa moyo. Moyo wako kunaMwari ndiyo yakakosha kudarika zvese.
Paunouya pamberi paMwari, moyo wako ngaugone kuzvininipisa. Usangotarisa chimiro chemuviri chete. Tarisa mamiriro emoyo wako.
Namata uchiziva kuti uri kutaura naBaba vako
Zviite sekunge uri kutaura neMukuru kana Baba vako. Taura naMwari nemoyo wakasununguka, neruremekedzo, nekutenda uye nekuzvininipisa.
Mwari havasi kungotarisa kuti maoko ako akamira sei kana kuti mabvi ako ari pasi here. Vanoda moyo unovatsvaga zvechokwadi.
Paunonamata, zviise pasi pamberi paMwari. Rega moyo wako uzvininipise, uye taura naBaba vako.
Munamato
Ishe, ndidzidzise kunamata nemoyo wakachena uye wakazvininipisa. Ndibatsire kuti pandinouya pamberi penyu ndisangotarisa chimiro chekunamata, asi ndione kuti moyo wangu uri pedyo nemi. Muzita raJesu. Amen.